林欣彤與佔領中環
- 盧卡鈷 @ 05/24/2013 / 3 months ago
或者有人不明白，所謂「鳩做」為何物、「鳩搞」佔中行動係點樣嘅態度。我唔直接答你，我用例子答你：林欣彤嘅《我愛你》，曲中主角嘅處事態度，同佔中主事者嘅心態驚人地相似，一語道破佢哋嘅心理活動係點。呢隻歌值得討論一下，或者可以睇清楚，戴耀廷同你真情告白之前，佢到底點樣心如鹿撞。
《我愛你》呢隻歌講一個少女，佢忍左好耐，時時刻刻都想同夢中情人表白，深感困擾（絕望便絕望）。終於有一日，佢決定同個男仔表白。不過佢選擇呢一刻表白，並非出於熱情，或者覺得自己好有勝算，只不過係由於困擾太耐，想釋放壓力（喉嚨上不適得到了藥餌），一心想求其講完就算數（轉告你 一切告段落/真心講一句我便可放棄）。至於行動成敗、告完白溝唔溝到仔，夢中情人會有乜嘢反應？佢一啲都唔care，講完就算，我唔知我唔聽我唔理。「表白」呢個行為，目的唔係為成功，而係想打一次心靈上嘅飛機：快快趣「完咗件事」，向自己交代，「honour 返自己」（從此心死 大可斷尾）：
「嗱，我唔係無fight 過架！嗱，試咗啦，唔掂啦係咪？」
少女呢種「鳩告白」態度，一早已經預設自己失敗（還重覆深思真的給你拒絕時/再尷尬我也作好了預備），然後為自己製造悲壯。中左呢種「悲劇英雄毒」嘅人，做乜都打定輸數，深入中毒者甚至喺行動之前，內心深處已經希望自己失敗，渴求失敗，「快啲結束」！（寧願心死 就此斷氣）
呢種為求「了咗件心事」而草率行動，令自己成為悲劇英雄嘅心態，同「佔領中環」有乜分別？
再睇下少女「honour 返自己」係點樣實際操作，點樣自製光環，心裡爽歪歪？又係見慣見熟嘅伎倆：
--- 首先自high地煽情，長篇大論數算自己付出幾多（預備了一篇講稿寫滿我心思），純粹為咗滿足自己訴苦嘅需要，完全唔考慮聽眾有無心機聽佢講嘢。
--- 強調自己受苦，賣弄悲情（喉嚨多不適都想試 /還攜帶鎮定藥）。
此外，少女相信「和理非非」（如何都不介意如何都不抗議）、「激情回歸理智」（預備了進入末路離開得理智），同佔中主事者掛喺口邊嘅講法，如出一轍，嘿嘿。
不過，明知時機未到（連明知雙方不可以 很美滿解決這件事），點解偏偏要搵嘢嚟搞？因為呢位少女/呢班飯民，唔搞呢啲嘢，無嘢好做（和諧地不聲不語太乏味）！即使明知頹搞完，局面會更差（那怕你再次見我會避忌），佢哋都唔介意，總之要為做而做。
而佢哋叫到呱呱嘈，又話核彈，又話坐監，其實佢哋全部都知，佔領完就散場，落雨收柴，根本無危險（預備了衝出死海都有救生衣）！自我感覺良好就可以。
講到呢度，之所以我話《我愛你》係同「佔領中環」有關，一句講晒，呢個女主角同戴耀廷，兩個都係做埋晒啲明知無結果，為做而做嘅事，一早打定輸數，又要谷行自己、chok 晒樣搏晒老命去失敗，呢啲就係典型嘅「鳩做」！
P.S. 點解我發現到呢隻歌同「佔領中環」不謀而合？就係因為以下呢句：
「還排演一百次」，嘿嘿，全首歌嘅重點就喺呢度。
P.P.S. 利申，我係林欣彤fans。
林欣彤《我愛你》
作詞：林若寧 作曲：Eric Kwok
編曲：張人傑 監製：Eric Kwok
矛盾到 喉嚨多不適都想試 要向你 傾訴這件事
煩惱到 連明知雙方不可以 很美滿 解決這件事
預備了一篇講稿 寫滿我心思
預備了一杯清水 深呼吸四次
還排演一百次 還攜帶鎮定藥
還重覆深思真的給你拒絕時
才承認「我愛你」 那怕你再次見我會避忌
絕望便絕望 直認「我愛你」
再尷尬我也作好了預備
話你知「我愛你」 真心講一句我便可放棄
和諧地不聲不語太乏味 寧願心死 就此斷氣
沉重到 喉嚨比沙丘都乾涸 說愛你 手腳也冒汗
惆悵到 如何將不安的感覺 轉告你 一切告段落
預備了衝出死海 都有救生衣
預備了進入末路 離開得理智
如何都不介意 如何都不抗議
如何都甘心雖則當我軟弱時
才承認「我愛你」 那怕你再次見我會避忌
絕望便絕望 直認「我愛你」
再尷尬我也作好了預備
話你知「我愛你」 真心講一句我便可放棄
和諧地不聲不語太乏味 寧願心死 就此斷氣
預備了公開苦戀 不說你不知
預備了接受現實 難堪都滿意
猶豫三番四次 遲疑三番四次
情人跟知己終需走到決定時
才承認「我愛你」 那怕你再次見我會避忌
絕望便絕望 直認「我愛你」
再尷尬我也作好了預備
話你知「我愛你」 真心講一句我便可放棄
喉嚨上不適得到了藥餌 從此心死 大可斷
尾
